अनुकुलन व्यापकता प्रबद्र्धन पुरस्कार परियोजना सम्बन्धी अभिमुखीकरण गोष्ठी सम्पन्न

२६ जेठ, नेपालगंज । बेलायत सरकारको अन्तराष्ट्रिय विकास विभाग डिएफआइडीको सहयोगमा प्रदान गरिने अनुकुलन व्यापकता प्रबद्र्धन तथा कार्यान्वयन पुरस्कार परियोजना सम्बन्धी दुई दिने कार्यशाला नेपालगंजमा सम्पन्न भएको छ । यस किसिमको कार्यशाला गोष्ठी आई डि एस नेपाल र सि जेड नेपालका विशेषज्ञहरुले संचालन गरेका थिए । । नेपालमा सञ्चालित नौलो किसिमको जलवायु परिवर्तन अनुकुलन कार्यको कदर तथा सम्मान गर्ने उदेश्यसहित घोषणा गरिएको पुरस्कार कार्यक्रम सम्बन्धी अभिमुखिकरण गर्ने उदेश्यले यो कार्यक्रमको आयोजना गरिएको हो । नेपालगंजमा भएको यस किसिमको तेस्रो अभिमुखिकरण कार्यक्रममा राष्ट्रि«य योजना आयोगका पूर्व उपाध्यक्ष डा दिनेशचन्द्र देवकोटा, पुरस्कार परियोजनाका टोली नेता तथा सि जेड नेपालका कार्यकारी निर्देशक डा माधव कार्की, परियोजनाका प्रबन्धक डा सर्वराज खड्का, एकिकृत विकास समाज नेपालका कार्यकारी निर्देशक प्रकाश कोइराला, योजना तथा अनुगमन विज्ञ डा. लोकेन्द्र पौडेल, लैंगिक सशक्तिकरण तथा सामाजिक समावेशिता विज्ञ श्री प्रभा पोख्रेल लगायतका बिज्ञहरुले नेपालले वातावरण परिवर्तन अनुकुलनका क्षेत्रमा गरिरहेको काम र पुरस्कार कार्यक्रमका विभिन्न पक्षका बारेमा सहभागीहरुलाई चेतना अभिवृद्धि र आवस्यक शिक्षा तथा सीप विकास तालिम प्रदान गर्नु भएको थियो । यस अघि यस्तै अभिमुखिकरण कार्यक्रम काठमाडौँ र हेटौँडामा सम्पन्न भइसकेको छ । नेपालगंजमा भएको अभिमुखिकरण कार्यक्रममा मध्य र सुदुरपश्चिम विकास क्षेत्रमा वातवरण अनुकुलनको क्षेत्रमा काम गर्ने विभिन्न स्थानीय १३ वटा संघ संस्थाका प्रतिनिधीहरुको सहभागिता रहेको थियो ।

Source: https://www.aajakonews.com

अनुकुलन व्यापकता प्रबर्द्धन पुरस्कार कार्यक्रम सम्बन्धी अभिमुखीकरण हेटौँडामा सम्पन्न

१६ जेठ, मकवानपुर । बेलायत सरकारको अन्तर्राष्ट्रिय विकास विभाग डिएफआइडीको सहयोगमा प्रदान गरिने अनुकुलन व्यापकता प्रबर्द्धन पुरस्कार कार्यक्रम सम्बन्धी दुई दिने कार्यशाला हेटौँडामा सम्पन्न भएको छ । नेपालमा सञ्चालित नौलो किसिमको जलवायु परिवर्तन अनुकूलन कार्यको कदर तथा सम्मान गर्ने उदेश्यसहित घोषणा गरिएको पुरस्कार कार्यक्रम सम्बन्धी अभिमुखिकरण गर्ने हेतुले यो कार्यक्रम अयोजना गरिएको हो । दुईदिने अभिमुखि कार्यक्रममा राष्ट्रिय योजना आयोगका पूर्व उपाध्यक्ष डा दिनेशचन्द्र देवकोटाले नेपालले जलवायु परिवर्तन अनुकुलन सम्बन्धी धेरै काम गर्न बाँकि रहेको बताएका छन । घोषणा गरिएको पुरस्कार कस्ले पाउछ भन्ने कुरा त्यती महत्वपूर्ण नभएको बताउदै हामीसँग भएका स्थानीयस्तरमा काम गरेको ज्ञान कसरी राष्ट्रियस्तरका नीतिमा समावेश गर्न सकिन्छ भन्ने कुरा महत्वपूर्ण भएको डा देवकोटाको भनाइ थियो । अभिमुखिकरण कार्यक्रममा पुरस्कार कार्यक्रमका समुह नेता डा माधव कार्कीले यो कार्यक्रमले नयाँ र सिर्जनात्मक किसिमका कार्यहरुलाई प्रथामिकता दिने जानकारी गराउँदै प्रत्यक संस्थाहरुसँग आ–आफ्ना सिर्जनात्मक क्षमता रहेको बताए ।

यस्तै सोहि कार्यक्रममा क्षेत्रीय वन निर्देशनालयका कार्यवाहक प्रमुख युवराज मास्केले सामुदायिकस्तरामा धेरै काम भएको बताउदै तयार भएको संरचनालाई कार्यन्वयनमा लैजानु अवको चुनौति रहेको बताए । घोषित पुरस्कारले समुदायस्तरमा काम गर्न थप प्रोत्साहन मिल्ने उनको भनाइ थियो । पुरस्कार कार्यक्रमका प्रबन्धक डा सर्वराज खड्काले अनुकुलनता हाम्रो देशका लागि महत्वपूर्ण रहेको बताउँदै समुदायस्तरमा रहेको ज्ञान सिप सोहि सिपलाई कसरी अभिबृद्धि गर्न सकिन्छ भन्ने उद्देश्यले कार्यक्रम आयोजना गरिएको बताए । यस्तै वनविज्ञान अध्ययन क्याम्पस हेटौँडाका प्रमुख कृष्ण दाहालले स्थानीयस्तरमा अनुकुलनताका बारेमा स्पस्ट पर्न सके यसले केन्द्रीयस्तरमा कार्यक्रम कार्यन्वयनमा सहयोग पुग्ने बताए । उनले विश्वविद्यालयका विधार्थी माझ यस्ता जानकारी पुगे आगामी दिनमा कार्यक्रम सञ्चालन गर्न थप सहयोग पुग्ने बताए । एकीकृत विकास समाज नेपालका कार्यकारी निर्देशक प्रकाश कोइरालाले सहजिकरण गरेको कार्यक्रममा विभिन्न क्षेत्रका १९ संस्थाका प्रतिनिधिहरुको सहभागिता रहेको थियो ।

Source: https://www.aajakonews.com/

जलवायु परिवर्तन अनुकुलन पुरस्कार कार्यक्रम सम्बन्धी दुईदिने कार्यशाला

काठमाडौं, १४ जेठ । बेलायत सरकारको अन्तर्राष्ट्रिय विकास विभाग डिएफआइडीको सहयोगमा प्रदान गरिने अनुकुलन व्यापकता प्रबद्र्धन पुरस्कार कार्यक्रम सम्बन्धी दुई दिने कार्यशाला राजधानीमा सम्पन्न भएको छ । नेपालमा सञ्चालित सिर्जनात्मक किसिमको जलवायु परिवर्तन अनुकूलन कार्यको कदर तथा सम्मान गर्ने उद्देश्यसहित घोषणा गरिएको पुरस्कार कार्यक्रम सम्बन्धी सम्पूर्ण जानकारी दिने हेतुले कार्यक्रमको आयोजना गरिएको थियो । बढ्दो जलवायु परिवर्तनको प्रभावका कारण गरिव, विपन्न र सीमान्तकृत समुदायलाई निरन्तर समस्या परिरहेको सन्दर्भमा जलवायु परिवर्तन कार्यक्रम सञ्चालन गरि अनुकुलनताका उपायलाई प्रबद्र्धन गर्न घोषणा गरिएको यो पुरस्कार कार्यक्रममा कसरी सहभागी हुने भन्ने बारेमा जानकारी लिन यस क्षेत्रमा क्रियाशिल मध्यमाञ्चल विकास क्षेत्रका पहाडी जिल्लामा कार्यरत संघसंस्थाका प्रतिनिधिहरुको सहभागीता रहेको थियो ।

कार्यशालाको उद्घाटन सत्रका अध्यक्ष तथा जनसंख्या तथा वातावरण मन्त्रालयका सहसविच रामप्रसाद लम्सालले नेपालको सन्दर्भमा अनुकूलन र न्यूनीकरणको विषयलाई विकाससँग जोड्नुपर्ने बताए । उनले कार्यक्रमहरुलाई विकासका अन्य कार्यक्रमसँग जोडेर कसरी दिगो विकासका परिणाम निकाल्ने भन्ने बारेमा ध्यान दिन सहभागीहरुलाई आग्रह गरे । कार्यक्रममा राष्ट्रिय योजना आयोगका पूर्व उपाध्यक्ष डा दिनेशचन्द्र देवकोटाले नेपालमा जलवायु परिवर्तन सम्बन्धी नीतिको तुर्जमा पछि धेरै काम भएको बताउदै सो जलवायु परिवर्तन अनुकुलुनका सन्दर्भमा नेपालमा भइरहेको काम विश्व समुदायका लागि उदाहरण बन्न सक्ने बताए । अनुकुलन सम्बन्धी काम गर्ने देशभरका संघ संस्थाबिच राष्ट्रिय स्तरको नेटवर्क बन्नुपर्नेमा डा देवकोटाको जोड दिए ।

कार्यशालामा वातावरण मन्त्रालयका उपसचिव नरेश शर्माले सो परियोजना सुरु हुनुका कारणबारे प्रष्ट पार्दै डिएफआडीले नेपालमा अनुकूलनताका बारेमा कार्यक्रमहरु बनाउने गरि यो परियोजना आरम्भ गरेको बताए । नेपालका सिकाईहरु विश्वका अन्य देशहरुले पनि सिक्न खोजीरहेको शर्माको भनाइरहेको थियो । परियोजनाका सल्लाहकार मदन कोइरालाले तल्लो स्तरका जनतामा पनि अनुकुलनताका बारेमा व्यापक ज्ञान भएको भएपनि दस्तावेजीकारणकोे अभावमा कारण उनीहरुको प्रचार प्रसार नदेखिएको बताए । परियोजनाका अर्का सल्लाहकार कन्चन लामाले अनुगमन मापदण्डका आधारमा यो पुरस्कार छनौट गरिने बताउदै लैङ्गिक समानताका बिषयमा परियोजना केन्द्रीत हुनुपर्नेमा जोड दिए ।

यस्तै सामुदायिक बन उपभोक्ता महासंघका भोला खतिवडाले अनुकूलतामा सामुदायिक बनहरुको व्यापक सहभागिता रहेको बताउदै उनीहरुले गरेका कामको एथेष्ट पहिचान हुन नसकेको बताए । उनले परियोजना सामुदायिक स्तरमा केन्द्रीत हुनुपर्नेमा जोड दिए ।

यस्तै परियोजनाका टिम लिडर डा माधव कार्कीले पुरस्कार कार्यक्रमका बारेमा सम्पूर्ण जानकारी गराउनुका साथै प्रतिस्पर्धामा सहभागी हुने प्रक्रियाका बारेमा अवगत गराए । उनले जलवायु परिवर्तन अनुकूलनता सम्बन्धी नेपालमा भइरहेको काम बारे अन्तर्राष्ट्रिय समुदायको सकारात्मक धारणा बारे पनि सहभागीहरुलाई जानकारी गराए । कार्यशालामा परियोजनाका कार्यक्रम प्रबन्धक डा सर्वराज खड्काले २ दिने कार्यशाालमा हुने कार्यको सविस्तार जानकारी गराएका थिए ।

नेपालमा जलवायु परिवर्तन सम्बन्धी वास्तविक र सम्भावित जोखिमहरुको सम्बोधन गर्ने गरि सामुदायिक नेतृत्वमा विभिन्न कार्यक्रमहरु सञ्चालनमा ल्याउनुका साथै ती कार्यक्रमको कार्यन्वनयबाट जोखिममा रहेका समुदायको अनुकूलन क्षमतामा परिवर्तन पनि ल्याइरहेका छन । यसरी सञ्चालनमा रहेका कार्यक्रमहरु बारे जनचेतना बढाई व्यापक मात्रामा सहभागिता बृद्धि गरि जलवायु परिवर्तनका दुष्प्रभावलाई सम्बोधन गरि समुदायलाई लाभ दिन सकिने बिश्वास लिइएको छ । सोहि अभियानहरुलाई हौसला प्रदान गर्नेहेतुले यो पुरस्कार कार्यक्रमको घोषणा गरिएको हो ।

यो पुरस्कार मार्फत अनुकूलन व्यापकता प्रवद्र्धन तथा प्रसार गर्ने कार्यक्रमले समुदायको नेतृत्व तथा सिर्जनशिल सोचयुक्त योजना बनाउने क्षमताबाट सफलता पूर्वक सञ्चालित जलवायु अनुकूलन कार्यक्रमहरुको पहँुचलाई बृद्धि र विस्तार गर्न नयाँ तथा सिर्जनात्मक माध्यमहरुको पहिचान र सम्मान गर्ने उद्देश्य राखिएको छ । पुरस्कार प्राप्त गर्ने संघसंस्थाहरुले ३ लाख २५ हजार बेलायती पाउण्ड बराबरको एक हिस्सा पाउनुका साथै आफुले कार्यान्वयनमा गरिरहेका परियोजनालाई व्यापक स्तरमा कार्यन्वयन गर्ने अवसर प्राप्त गर्नेछन ।

एकीकृत विकास समाज नेपालका कार्यकारी निर्देशक प्रकाश कोइरालाले सहजिकरण गरेको कार्यशालामा जलवायु परिवर्तन अनुकूलनताको क्षेत्रमा काम गर्ने विभिन्न संघसंस्थाहरुका प्रतिनिधिहरुको सहभागिता रहेको थियो ।

Source: http://www.dainiknepal.com

Organizations rewarded for climate change adaptation efforts. -http://www.myrepublica.com/

KATHMANDU, Dec 16: Fifteen organizations have been rewarded the Adaptation at Scale Prize for their innovative efforts in the field of climate change adaptation.

Minister for Population and Environment Jay Dev Joshi handed the rewards to the recipient organizations with a cash prize of 10,000 Pounds (Rs 1.3 million) each, amid a function in Kathmandu on Friday.

The organizations were selected by Ideas to Impact, a program funded by the UK Department for International Development (DFID) and managed by IMC Worldwide, as part of its Protsahan Prize program, for their innovative approaches in scale-up climate change adaptation in Nepal from among 59 applicant organizations working in community and private sector. 

Organizations winning the reward are Community Development and Advocacy Forum Nepal (CDAF Nepal), Youth Acting for Change Nepal (YAC Nepal), Manahari Development Institute Nepal (MDI Nepal), Mutual Support Center, National Disaster Risk Reduction Center (NDRRC), Center for Rural Technology Nepal (CRT Nepal), Ithaka Institute for Climate Financing, Care Nepal, Namsaling Community Development Center, CEAPRED Nepal, Machhapuchare Development Organization, Practical Action South Asia, ANSAB Nepal, Dalit Welfare Organization (DWO) and Human Dev and Environment Concern Society Nepal.

Source: http://www.myrepublica.com/news/11298/